मोरङ । कोशी प्रदेश सरकारका मुख्यमन्त्री हिक्मत कार्कीले आज मन्त्रिपरिषद् बिस्तार गर्दै हुनुहुन्छ । मन्त्रीपरिषद् बिस्तारका लागि मुख्यमन्त्री कार्कीले पार्टी भित्र छलफल गर्नु भएको जनाइएको छ ।
जस अनुशार मुख्यमन्त्री कार्कीले आजै चारजना मन्त्री थप्ने तयारी गरिरहनु भएको बुझिएको छ । मन्त्रीहरु सबै नेकपा एमालेबाटै थपिने तयारी भइरहेको बताइएको छ । स्रोतका अनुसार अनुसार लीलाबल्लव अधिकारी, निरन राई, वुद्धिकुमार राज भण्डारी र रामप्रसाद मेहतालाई मन्त्री बन्दै हुनुहुन्छ ।
मुख्यमन्त्री कार्की नेतृत्वमा बनेको कोशी प्रदेश सरकारले असोज २० गते विश्वासको मत लिनुपर्ने हुन्छ । संविधानको धारा १६८ (३) अनुसार बनेको नेकपा एमालेको अल्पमतको सरकारले आगामी असोज २० सम्म बिश्वासको मत लिइसक्नु पर्ने हुन्छ ।
सरकारले विश्वासको मत पाउने नपाउने टुंगो नभएको अवस्थामा मुख्यमन्त्री कार्कीले मन्त्रिपरिषद् भने विस्तार गर्न लाग्नु भएको हो । यसअघि एमालेबाट तिलकुमार मेन्याङ्बो, पिके राई, एकराज कार्की, सिर्जना राई मन्त्री भइसक्नु भएको छ ।
प्रदेश प्रमुखको कार्यलयका निमित्त सचिव नरेन्द्र श्रेष्ठले मन्त्रीमण्डल बिस्तारको कुरा सुनेपनि सपथको आधिकारिक जानकारी भने नआएको बताउनु भएको छ ।
