जनकपुरधाम । धनुषाको एक स्थानीय तहका वडाध्यक्ष र वडासचिव घुस रकमसहित पक्राउ परेका छन् । नगराइन नगरपालिका–२ का वडाध्यक्ष बुलन यादव र वडासचिव अमृत झा घुस रकमसहित पक्राउ परेका हुन् । अख्तियार दुरुपयोग अनुसन्धान आयोग बर्दिबास कार्यालयको टोलीले बुधबार साँझ वडाध्यक्ष यादव र वडासचिव झालाई ७० हजार रुपैयाँ घुस रकमसहित पक्राउ गरेको हो । सडक निर्माण योजनाको भुक्तानीका लागि उपभोक्ता समितिसँग वडाध्यक्ष र वडासचिवले घुस लिएको पाइएको बताइएको छ । उपभोक्ता समितिले पहिले नै दिएको सूचनाको आधारमा अख्तियारको टोलीले वडाध्यक्ष र वडासचिवलाई पक्राउ गरेको जानकारी प्राप्त भएको छ ।
वडाध्यक्ष र वडासचिव घुस रकमसहित पक्राउ
३१ जेठ २०८०, बुधवार
