लेटाङ । नेपाल राष्ट्रिय शिक्षक संगठन मोरङको २५ औं जिल्ला परिषद् भेला लेटाङ नगरपालिकामा सम्पन्न भएको छ । संगठनका मोरङ अध्यक्ष प्रेम प्रसाद भट्टराईको अध्यक्षतामा लेटाङ नगरपालिका ४ स्थित जनसेवा सामुदायीक वन समूहको हलमा भएको भेलामा संगठनमा आवद्ध मोरङ जिल्ला भरिका करिव ४ सयजना शिक्षक प्रतिनिधिहरुको सहभागिता रहेको थियो ।
शिक्षक संगठनका कोशी प्रदेश संयोजक धर्मानन्द खरेलको प्रमुख आतिथ्यतामा भएको भेलामा लेटाङ नगर प्रमुख भूपेन्द्र कुमार लावती, उपप्रमुख कृष्ण कुमारी निरौला, शिक्षक संगठनका कोशी प्रदेश सचिव रघुनाथ मिश्र, केन्द्रीय सदस्य रिता पाठक, प्रदेश सदस्य नरेन्द्र बहादुर खड्का, नेकपा एमाले लेटाङका सचिव जीत बहादुर लामा, लेटाङका वडाध्यक्षहरु विष्णु मगर, राम श्रेष्ठ, भूम सूर्य मगर लगायतका अतिथिहरुको सहभागिता रहेको थियो ।
भेलामा संगठनका मोरङ सचिव विन्दु कुमार लावतीले सांगठनीक प्रतिवेदन प्रस्तुत गर्नुभयो भने कोषध्यक्षले आर्थिक प्रतिवेदन प्रस्तुत गर्नुभयो । कार्यक्रमलाई सम्बोधन गर्दै प्रमुख अतिथि खरेलले शिक्षक संगठनका हरेक गतिविधिहरुमा आफ्नो दरिलो उपस्थिति जनाउन जिल्ला र पालिका कमिटीहरुलाई निर्देशन दिनुभयो । कार्यक्रममा विभिन्न विद्यालयका विद्यार्थी तथा शिक्षकहरुले नृत्य र कविता समेत वाचन गरेका थिए । मोरङमा २१ सय बढी संठगनमा आवद्ध शिक्षकहरु कार्यरत रहेका छन् ।
